Çrregullime më të zakonshme që pengojnë të mësuarit e një fëmije
Saktësisht çfarë është një çrregullim i të mësuarit?Çrregullimet në të nxënë janë dëmtime të proceseve psikologjike të përfshira në mësim të cilat mund të ndikojë në mënyrën se si një person aftësohet të lexojë, të shkruajë, të bëjë matematikë ose ndonjë proces tjetër të të mësuarit.
Ekzistojnë tre çrregullime të të mësuarit që zakonisht diagnostikohen:
▪️Dyslexia. Simptomat përfshijnë vështirësi në leximin e saktë të fjalëve (që prek afërsisht 80 deri 90 përqind të të gjitha çregullimeve në të mësuar Vlerësohet se rreth 20 përqind e popullsisë janë disleksik)
▪️Dysgraphia. Fëmijët kanë vështirësi të konsiderueshme për të shprehur veten me shkrim. Ata mund të ulen për orë të tëra duke provuar të shkruajnë disa fjali, ose shkrimi i tyre mund të jetë me të vërtetë i vështirë për t’u lexuar për shkak të drejtshkrimit të dobët.
▪️Dyscalculia. Simptomat përfshijnë vështirësi në të kuptuarit e numrave, të mësuar përmendësh fakte të thjeshta aritmetike ose vështirësi në zgjedhjen e problemeve matematikore.
Këto çregullime nuk kanë kurë, por ndërhyrja e hershme mund të zvogëlojë efektet e tyre. Njerëzit me aftësi të kufizuara në të mësuar mund të zhvillojnë mënyra për të përballuar aftësitë e tyre të kufizuara. Marrja e ndihmës sa më parë rrit mundësinë e suksesit në shkollë dhe më vonë në jetë. Nëse aftësitë e kufizuara në të mësuar mbeten të patrajtuara, një fëmijë mund të fillojë të ndjehet i irrituar, gjë që mund të çojë në vetëvlerësim të ulët dhe probleme të tjera. Ekspertët mund ta ndihmojnë një fëmijë të mësojë aftësi duke u mbështetur në pikat e forta të fëmijës dhe duke gjetur mënyra për të kompensuar dobësitë e fëmijës.
Më poshtë njoftohuni me disa mënyra efikase për t’u përballuar me këto vështirësi:
Dyslexia
Teknika intensive të mësimdhënies – Këto mund të përfshijnë qasje specifike, hap pas hapi dhe shumë metodike për mësimin e leximit me qëllim të përmirësimit të gjuhës së folur dhe aftësive të të shkruarit.
Modifikimet në klasë – Mësimdhënësit mund t’u japin studentëve me disleksi kohë shtesë për të përfunduar detyrat dhe të japin teste vokale që i lejojnë fëmijës të dëgjojë pyetjet në vend që t’i lexojë ato.
Përdorimi i teknologjisë – Fëmijët me disleksi mund të përfitojnë nga dëgjimi i librave audio ose përdorimi i programeve për përpunimin e fjalëve.
Dysgraphia
Mjete speciale – Mësimdhënësit mund të ofrojnë provime me gojë, të sigurojnë një mbajtës shënimesh ose t’i lejojnë fëmijës të përcjellin mësimin me videokaseta në vend që ta shkruajë atë.
Përdorimi i teknologjisë – Një fëmijë me disgrafi mund të mësohet të përdor programe për përpunimin e fjalëve, përfshirë ato që përfshijnë përkthimin nga të folurit në tekst, ose një regjistrues audio në vend që të shkruajë me dorë.
Ulja e nevojës për shkrim – Mësuesit mund të japin shënime, skica dhe fletë studimi paraprakisht të gatshme
Dyscalculia
Teknikat vizuele – Mësuesit mund të vizatojnë foto me problemet matemarikore dhe t’i tregojnë nxënësit se si të përdorin lapsa me ngjyra për të dalluar pjesët e ndryshme të problemit.
Ndihmat e kujtesës – Ritmet dhe poezi të ndryshme mund ta ndihmojnë një fëmijë të kujtojë konceptet e matematikës.
Shfrytëzimi i kumpjuterëve – Një fëmijë me dyscalculia mund të përdorë një kompjuter për stërvitje dhe praktikë për përforcimin e metodës së zgjidhjes së problemeve matematikore.
Përgatiti dhe përshtati:
WWW.STUDENTET.MK
Comments are closed.