E ndryshojnë “veshjen” sa hap e mbyll sytë; jeshile, blu, e kuqe, kafe. Kameleonët njëjtësohen me ambientin që i rrethon duke ndryshuar ngjyrë. Një mënyrë e përsosur për t’u shpëtuar grabitqarëve, dhe jo vetëm. Ata ndryshojnë ngjyrë edhe nga gjendja e humorit në të cilën ndodhen, por edhe nga temperatura. Kur është ftohtë marrin një ngjyrë të errët për të përthithur më mirë rrezet e diellit, kur janë të trembur ose të inatosur përsëri ndryshojnë ngjyrë. Por si ia dalin?
Pigmentet ngjyruese, janë të ruajtura në disa qeliza të veçanta të lëkurës, të quajtura kromatofori. Pigmentet e ndryshme në këto qeliza, mund të shpërbëhen ose të përzihen mes tyre, duke krijuar ngjyra të errëta ose të çelëta në lëkurë. Në këtë mënyrë, disa ngjyra janë më të dukshme se të tjerat.
Përgatiti dhe Përshtati :
STUDENTET.MK